ACTIVIDADES
Co obxectivo de darlle á nosa música tradicional a importancia e visibilidade que merece, Airiños de Fene organiza anualmente dous actos que forman parte principal da actividade da asociación. Estes eventos son: Xuntaza de Gaiteir@s e Encontro de Cantareiras.
A Xuntanza de Gaiteir@s ten o compromiso de homenaxear a aquelas persoas, grupos ou asociaciós que traballan por defender a nosa música e a nosa cultura tradicional.
O Encontro de Cantareiras ten o obxectivo de poñer de manifesto a importancia das nosas mulleres, esas que con tanto traballo, esforzo e xenerosidade foron capaces de facer chegar ata nós todas esas cantigas e instrumentos que tan ben nos definen como pobo.
Xuntanza de Gaiteir@s
A última edición da Xuntanza estivo adicada o «Festival Internacional do mundo Celta de Ortigueira» que leva dende os seus inicios achegándolle ao público que del desfruta, o espectáculo de moitos dos grupos máis importantes do panorama musical das nacións celtas.
Encontro de Cantareiras
Este ano celebramos a VIII edición de este Encontro contando coa colaboración do grupo de canteiras «Buxainas» (Cedeira), acompañadas polas nosas cantareiras de Airiños de Fene.