CAMBADELA

O Grupo de baile “Cambadela” nace no ano 1995 da man de Chus Niebla que ten o firme propósito de ensinarlle o noso baile tradicional a toda a rapazada que conforma naquel momento a banda de gaitas. Dende entón, o grupo de baile participou e participa de forma activa en todas as actuacións e espectáculos da Banda de Gaitas Tradicional “Airiños de Fene”.

Moitas foron as actuacións nas que ten participado, amosando o noso baile e a nosa cultura tradicional, podendo destacar a súa participación no Festival Interceltico de Lorient, Festival Fin do Milenio en Sines, Semana Grande das Festas de Bilbao, Festival Folk Segovia,Festival Intercelticu de Avilés, Festa da Cultura Melgaço (Portugal), Bermeo, Gernika, Sestao… así como en numerosas entidades e sociedades tanto de Ferrolterra como do resto do país.

Na actualidade “Cambadela” está dirixido por Gisela Sanmartín