XERFA

O Grupo de Cantareiras “Xerfa” que pertence á Banda de Gaitas Tradicional “Airiños de Fene”, naceu no ano 2009 baixo a dirección de Chus Niebla grazas ao interés e á inquedanza de moitas nais e avoas de compoñentes da banda que desexaban seguir os seus pasos no mundo da música tradicional.

Das moitas actuacións das Cantareiras Xerfa podemos destacar a súa participación no 39 Festival Interceltico de Lorient, Festival Intercelticu de Avilés (2010 e 2014), Festival Internacional de Música y Folclore (2014), XIX Interceltico D´Occidente (2015), Jornadas Célticas del Oriente de Asturias (2015) ou o Festival Folk Segovia (2018).

Organizan anualmente un Encontro de Cantareiras en Fene coa intención de darlle visibilidade ás cantareiras nunha comarca, como é a de Ferrolterra, que garda poucas ou ningunha lembranza destas mulleres tan importantes na nosa cultura.